Դեսպան Տիգրան Բալայանի հանդիպումը CDA կուսակցության արտաքին հարաբերությունների հանձնաժողովի անդամների հետ

06 հոկտեմբերի, 2021

Հոկտեմբերի 5-ին դեսպան Տիգրան Բալայանն ընդունեց Նիդերլանդների «Քրիստոնեա-դեմոկրատական կոչ» (CDA) կուսակցության արտաքին հարաբերությունների հանձնախմբի անդամներին՝ նախագահ, Եվրախորհրդարանի նախկին պատգամավոր Վիմ ֆան դե Կապմի գլխավորությամբ։

Հանդիպման սկզբում դեսպանն անդրադարձավ հայ և նիդերլանդացի ժողովուրդների դարավոր առնչություններին, բոլոր ուղղություններով դինամիկ զարգացող երկկողմ հարաբերություններին և հաջորդ տարի նշվելիք դիվանագիտական հարաբերությունների 30-րդ տարեդարձի շրջանակներում նախատեսվող միջոցառումներին։

Խոսելով Կովկասյան տարծարաշրջանում առկա լարված իրավիճակի մասին՝ Տ. Բալայանը ներկաներին պատմեց Արցախի դեմ ադրբեջանա-թուրքական ագրեսիայի հետևանքով ստեղծված պայթունավտանգ իրողոթյունների, Ադրբեջանի՝ ստանձնած պարտավորությունների կատարումից հրաժարվելու, միջազգային հումանիտար իրավունքի ոտնահարումների և կատարած ռազմական հանացագործությունների մասին։

Դեսպանն ընդգծեց Ադրբեջանի ռազմակաքաղաքական ղեկավարության, հայ ռազմագերիների գործերով շինծու վճիռներ արձակած դատավորների նկատմամբ ԵՄ պատժամիջոցներ սահմանումն որպես միակ արդյունավետ միջոց՝ խաղաղությանը և տարածաշրջանի ժողովուրդների միջև վստահության և հաշտության մթնոլորտի ձևավորմանը նպաստելու համար։

Այս առումով դեսպան Բալայանը կարևորեց Նիդերլանդների խորհրդարանի կողմից ընդունված մեկ տասնյակից ավելի բանաձևերը և հատուկ ընդգծեց CDA կուսակցության նախաձեռնություններն ու հետևողական աջակցությունը դրանց՝ հույս հայտնելով, որ Նիդերլանդների նոր կառավարությունն անհրաժեշտ քայլեր կձեռնարկի դրանց դրույթները կյանքի կոչելու համար։

Հանդիպմանն ակտիվ քննարկում ծավալվեց Նիդերլանդներում ներքաղաքական զարգացումների, երկկողմ օրակարգի և համագործակցությունը քաղաքական, առևտրատնտեսական և կրթական ոլորտներում զարգացնելու վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր